منتديات القلمونة
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة


منتديات القلمونة

منتـــــديات القلمونة
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  

شاطر | 
 

 عـزيمة وإصـرار ..

اذهب الى الأسفل 
كاتب الموضوعرسالة
هيثم
المدير العام
المدير العام
avatar

عدد المساهمات : 1535
تاريخ التسجيل : 14/10/2011

مُساهمةموضوع: عـزيمة وإصـرار ..   الأحد أكتوبر 23, 2011 9:19 am

الواحد فينا لو عندو عزيمة واصرار
بقدر يعمل المستحيل عشان يريح نفسو
ويرضي ربو..

مولانا الشيخ : محمد سيد حاج
رحمه الله عليه
كنت بسمع لواحده من محاضراتو الرائعة
كان بحكي عن قصة شاب ..
مولانا قال كان ماشي يركب المواصلات والدنيا كانت سخانه شديده
ويلا الشاب شافو ليك جا جاري ثبتو ليك

الشاب : يامولانا والله انا تعبت وجاي استفتيك
مولانا : اتفضل
الشاب : انا يامولانا ماكنت بصلي .. وعزمت اني استقيم.. وبقيت اصلي الصلوات كلها .. والفجر بالذات في الجامع . واقرأ القرآن..وبسأل الله التوبه .. والغفران.. والحمد لله الله تاب علي
لكين مشكلتي اني عندي علاقة بي بزميلتي في الجامعة.. بحبها شديد
انا زمان كنت بتونس واضحك معاها وكمان مرات بمسك يديها و...و...و...
والمشكله اي شي قدرت عليهو الا البت دي
وبعد عزيمتي دي ..
لما اجي الجامعه بتقابلني تتبسم المعاي تكمل..
ماقادر .. داير لي حل
مولانا : انت والله اجتهدت واجتهدت شديد كمان
طيب
انت بتثق فيني ؟؟!
الشاب : انا كما بثق فيك .. بخلي المواصلات تفوتني ولسه حتتي بعيده وحاركب ليها تاني مواصلات عشان اصل!!
مولانا : طيب انا عندي ليك حلين
الاول -الاهم شنو الدين ولا الجامعه ؟؟!
الشاب : الدين اهم
مولانا : خلاص خلي الجامعة .. اشتغل كمساري .. امشي الجزيره ازرع .. خش السوق ..الداير يضيع ليك دينك دا خلي
الشاب في حالة ذهول : طيب والحل التاني شنو
مولانا صعب ليهو الحل الاول عشان يسال عن الحل التاني .. قال ليهو:
انت البت دي كعبه ؟!!
الشاب : لالا ماكعبه ومن اسره طيبه
مولانا : اذن خلاص تتزوجا .. حل من الاتنين ياتخلي الجامعة ياتزوجها !!
الشاب سكت مسافة وشال رقم التلفون حقو ..
مولانا : طيب انت بتثق فيها انها تكون امرأة المستقبل و ام لي عيالك ؟؟!
لانو في الزمن دا اي واحد بضيع زمنو مع واحدة ..ودي بينك وبين نفسك مابتحترمها ومابترضاها ام لي عيالك ..
فهل انت بترضاها وبتثق فيها لانو دي حياة مقدسه مافيها لعب؟؟
الشاب : اي برضاها ..
لكين الزواج صعب ياشيخنا !!
وبكده الشاب فات ..
بعد زمن اتصل الشاب على شيخنا وقال ليهو :
مشينا لي اهل البت وسقت ابوي .. وادوني ليها وكمان عقدنا عشان مايكون ونسه وكلام فاضي واحسن نكون في النور ..

يعني لو كانت عندك عزيمة واصرار ..
المستحيل بتسويه
اخونا دا كان خايف من الله .. ونفسو يعرس لكين ماعندو حق العرس .. وطالب جامعي
وخايف يمشي لاهل البت ومايدوهو يقولو ليهو انت لسه بتقرا العرس ليك شنو
لكين اصرّ ومشى للشيخ ونصحو وعشان ربنا عارف انو فعلا داير يستقيم ربنا سهل ليهو الدايرهو ..

الله يدينا العزيمة دي
ويهدي كل الشباب والشابات
ويستر علينا جميعا

ويديكم العافية ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عـزيمة وإصـرار ..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القلمونة :: المنتديات العامه :: المنتدى العام-
انتقل الى: