نكات مساطيل

موضوع: نكات مساطيل الأربعاء نوفمبر 23, 2011 5:42 am

مسطول معاهو امه في السوق مشو محل احذيه ، المسطول قاليهو جيب شبشب مسطح لي الحاجة دي .. امو قالت لا ، جيب كعب عالي المسطول قال لا جيب مسطح ، امو تقول جيب كعب عااااااالي شديييد صاحب المحل زهج منهم و قال للمسطول خلاص اشتري ليها كعب عالي ، هي اللي بتلبسو ما انت المسطول قاليهو يا حيوان : الكعب العالي انا البنضرب بيهو ما إنت

مسطول جاب لي امو عصفورين واحد بغرد والتاني ساكت امو سالتو قالت ليه دا مالو ساكت قال ليها دا الملحن

مسطول سألوه؟ ماالفرق بين الشهد والشهيد قال الاتنين بتلحسو

عجوز محششة قاعده جنب الدفاية ،قالت :ربنا يخليك لي دنيا وآخره...!

مسطول شغال طيار متضايق من المضيفه في كل رحله تقو ل: "الخطوط الجويه تتمني لكم رحله سعيده" قال ليهم انا ماداير اسمع صوت البت دي تاني انا حا اقول الكلام ده كل مرة، وابتدا يقول مع بدايه اي رحله الكلام المكرر ده مره حسه انو في مشكله كبيره و الطياره حا تقع قال : "الخطوط الجويه السودانيه تتمني لكم جنات عدن تجري من تحتها الانهار".........

واحد مسطول عنده رسالة عايز يوصلها للبنات .. سمعتوا البنات فقط ...
أعزائي البنوت
السلام عليكم أسمعوا هنا:
١-بناطلين ولبستو.
٢-عربات وبكاسي سقتو.
٣-في الشرطه اشتغلتو.
٤-نوادي الحديد اشتركتو.
٥-سجاير وشيشه شربتو.
أها بس ورونا متين جاين تعقدوا علينا ؟؟؟

مسطول مشي بيت بكا ودخل علي مكان النسوان شاف ليهو احلي بت مشي يحضن فيها ويبكي معاها، البت قالت ليهو انا ما من اهل البكا ديل لكن، قال ليها لكن انتي المبكيه الناس دي كلها.

مسطول سايق تاكسي ركب معاه واحد أنصار سنة قام شغل مكيف العربية الشيخ قال ليهو: هل كان في زمن الصحابه مكيف ؟ المسطول قال ليهو: لا قام قال ليهو: طيب أقفلوا، تاني المسطول قام شغل الراديو انصار السنة قال ليهو: هل كان في زمن الصحابه راديو ؟ المسطول قال ليهو: لا، قال ليهو: طيب أقفلوا، بعد شوية المسطول قال للشيخ :هل كان في زمن الصحابه تاكسي ؟ قال ليهو: لا، المسطول قال ليهو : أنزل شوف ليك قافله من قوافل قريش توصلك.

مسطول بيساعد أمه ف المطبخ بيلف معاها ورق عنب ....
.

.
..
.
قالت له حبيبي أنت بتلف كويس بس مافي داعي تلحس الورقه ف الآخر