في السلك - بابكر سلك
[ندعوك للتسجيل في المنتدى أو التعريف بنفسك لمعاينة هذه الصورة]قاعيدن طوالي وداخلين علي الوالي
* يا ناس
* المجلس الجديد يجب ان لايدخله من لايستطيع ان يقدم خدمات متطوره ومفيده للمريخ
* يعني الداير يدخل المجلس يورينا داخل عشان شنو ؟؟؟؟
* وهل السبب المدخلو المجلس ده انو هو احسن زول فينا بعملو ولا في زول تاني احسن منو ؟
* لو تعاملنا بالشفافيه دي ممكن نوصل للمجلس المثالي
* وبعد داك الفرصه مواتيه ورحبه للداير يخدم المريخ من خلال الدوائر المساعده
* ومن خلال الحناجر الثاقبه المؤيده المشجعه من المدرجات
* ساحات خدمة المريخ كتاااااااااااااااااااار
* الداير يخدم المريخ من اي مكان بخدم
* والداير المريخ يخدمو ماحبابو
* ايها الناس
* تفتكروا الناس البتتصارع من اجل دخول المجلس دي
* لو جمال الوالي قال ماداير يدخل المجلس
* برضو هم حايتصارعوا من اجل المجلس ؟؟؟
* ولا حايعتزلوا العمل الاداري ؟؟؟؟؟
* والله انا لو محل جمال كان زغت
* عشان اعرف من يريد المريخ
* ومن يريد جمال
* ومن يريد المريخ لكن بجمالو
* ومن يريد جمال لكن بمريخو
* ايها الناس
* المجلس عباره عن حقائب دبلوماسيه تحمل في طياتها رسائل العمل الاداري واهداف العضو
* يعني مثلا حسن يوسف لوداير يترشح لمنصب المناشط
* بالتأكيد بسأل نفسو
* ياربي انا عملت للمناشط شنو خلال الالف سنه التي كنت افوز فيها بالتزكيه ؟؟؟؟
* وياربي هل حا اقدم للمناشط شئ ولا حا اقعد سااااااااااااااااي زي كل دوره
* هل حا افضي للمناشط ولا حا اباري ناس القدم زي عوايدي
* وحسن يوسف يمكن ان يسأل نفسه هذه الاسئله
* لانشك في ذلك
* لاننا لانشك في مريخية حسن يوسف
* ولكن حسن يوسف يحب المريخ
* ويحب دخول المجالس
* ولكنه لا اظنه ينكر انه لايحب المناشط
* يبقي حسن من حقو ان يدخل المجلس
* لكن عبر اي بوابه الا بوابة المناشط
* طيب
* زول بقامة وخبرات السيد عبدالرحمن زيدان
* لوقلنا ليهو تدخل المجلس ياريس
* دورك الاساسي ان تكون مسؤل عن الشباب والناشئين
* وممثل شرعي لهم بالمجلس
* لانهم مساكين ماعندهم زول في المجلس
* ونشترط عليهو ان يوضح لنا دوريا ماذا فعل من اجل الشباب والناشئين
* تفتكروا زول زي ده موش بنفع في الحته دي ؟؟؟؟؟
* الدخول للمجلس ليس تشريفا بقدر ماهو تكليفا
* وهذا الفهم يجب ان يكون هو قناعة المتناحرين من اجل كراسي المجلس
* والا الرماد كال حماد
* ايها الناس
* دخول المجلس المره دي صعب
* لانو الحساب ولد
* ولانو الشفوت تاني مابسكتوا اطلاقا
* حساب يومي
* وفي كل موقف
* يبقي الماواثق في نفسو مايسجل اسمو
* المهم
* الناس اتغيرت
* مامعروف الظروف هي التي غيرت الناس
* ام الناس هم الذين غيروا الظروف
* وبمناسبة اتغيروا واتغيرت دي
* قالوا في واحد بتاع بحر قال كل شئ اتغير حتي الاكل ده اتغير
* قالوا ليهو كيف يعني الاكل اتغير ؟
* قال ليهم زمان الناس بقولوا بسم الله قبل ما ياكلوا وبقولوا الحمد لله بعدما ياكلوا
* اسي عكسوها
* بقوا لما يشوفوا الصينيه يقولوا الحمد لله الاكل جا
* ولما بعد دقيقتين الصينيه تفضي يقولوا بسم الله الاكل ده مشي وين ؟؟؟
* وانا اخاف لما يبدأ الموسم نقول بسم الله هنو ده مشي وين ؟؟؟
* ياناس
* نحتاج لمهاجم سريع وقوي وخرماج وبجوطا
* حتي هدف ساكواها في البدون جمهور كان سببو هنو
* شاهدوا الهدف تاني
* تلقوا هنو هو السبب في اجبار اتير علي الخطأ
* لان الكره لو تخطت اتير كان الا يطير
* هنو مهم وضروري
* بالذات في فريق لا يملك مهاجما سريعا
* والسرعه شدت مامهمه
* ودت بكري المدينه الفريق القومي
* فكروا في هنو عشان تتهنوا
* لو كان هناك بديل افضل معليش
* لكن يشطب هنو بدون بديل ؟؟؟
* ده اسمو كلام ده ؟؟؟
* وناس الشطب قاعدين
* وناس التكريم قاعدين
* لن ننكر علي احدهم ماقدمه للمريخ
* ولكن لو كانت الذكريات تتسبب في بقاء مبدع في الكشف حتي بعد نقصان العطاء
* كان كمال عبدالوهاب لليله يضوي في كشفنا
* خلونا منطقيين
* الخط الامامي البلعب فيهو هنو ده
* دحين مافيهو خانتين فاضيات ؟؟؟؟
* كدي شوفوا كويس
* ايها الناس
* قبل ان تطلقوا الاحكام علي اكرم فكروا شويه
* بدون عواطف وبدون غبينه
* وبعد داك قرروا
* ياربي بعد الهلال سجل الطاهر حماد
* دحين مازدا ما بستدعيهو للفريق القومي ؟؟؟؟؟؟
* ماتنسي يامازدا صالح الامين
* واوتوبونج زاتو لو طلع ليهو خالا في البلد دي لحقو الفريق القومي
* اتوبونج الماسوره
* اجمل نكته
* الهلال يسجل عيد الحب
* اتحببي
* ايها الناس
* نعزي انفسنا قبل اسرة الراحل المقيم سامي عزالدين في فقيدة المريخ والاسره السيده ارملة سامي عزالدين , لها الف رحمه تنزل عليها وربنا يجعل البركه في ذريتها .
سلك كهربا
ننساك كيف وهنو مهاجم صريح وفرتق !!!!!!!
والي لقاء
سلك