تَفاؤم . كلمات/ محمد إسماعيل الرفاعي

تَفاؤم
كلمات/ محمد إسماعيل الرفاعي

كنت عارف إني مافي
رغم إنو الجِتّه قاعده
وراجيِّه صينيِّة الفطَُور
وكان قِليبي الما حِضور
جوّه رقْراقْ روحي بِضْحك
ما عَشَان كاتلو السِرور
كان بيضحك في المآسي
الجوّه أعماقي بتمور
شان هو عارف إنِّي ماسِك
ساقية الأسف التدور
في أرِض جوفي الحَرور
عكس العقارب من شِهور
وإنِّي باكُل شان أعيش
في زمن إعتاد يجور
وطير مهيض ما عِندو ريش
مِن يومو داك
مِنْ صباح طلّا الكُجُور
شال نضار الفرحه فرّه
وخلَّف الأسى والشِرور
والسموات والمجرّه
الضلّمت عمَّ الفُطُور
لا فيها نجمه ولا بِدور
لو بي الكِضب شان يدو نور
وأنا لسَّه (مُتْشائل) غَصِب
أو إني ( مُتْفائِم) تَعِبْ
مِنْ طعْنة الهم في الصِدور
وإت يا زمن مالك علي؟
راميني في الجُبّ أب شِطور
لا لاقي غرقه ولا مروق
وعزيمتي كُلْ ما يوم تخور
براتني بستأسد كِضب
ونعامتي كضّابه بتثور

21/11/202‪3