الشاعر محمّد إسماعيل الرفاعي

حقك براك
..........
كلمات : محمد إسماعيل الرفاعي
لحن وغناء الفنان الشاب / احمد المصطفى
( حصرياً .. لرفيقة دربي الغالية أم ملاذ )
كُلّ البراح حقِك براك
بسم الله بالرجل اليمين
قوليها يا حي يا مُعين
تلقيهــو ساهِل بتمشي
مُشتاق يشوف طلّة بهاك
يا كافيّا من كلّ العوين
بُشراهو بالصيد السمين
بس .. إنتي طِلّي ووشوشي
كم مرّه هاته علي لقاك
طول عمرو بي عدد السنين
لا كان هو جافي ولا ضنين
طُلّيهو يا قمر العِشِي
تلقيهو جد حقِّك براك
تلفيهو مكتول بالحنين
موجوع بعاني من الأنين
راجيكي دمعو تقشقشي
وتلقيكي قاعده محكّره
مُنجعصه في جنبو اليمين
حوميهو يا الفجر المبين
بي قدله راسيه وحشّشي
صفحة وِشِيشك مُنضره
والطّله زاهيه وكت تبين
القمره وكتين تظهري
تتضاره منك وتختشي
ماهو البراح حقّك براك
لازول بشاركك لا معاك
لامِن أكون نجمه ف سماك
بفرح .. أهلل و إ نتشي
وأصلو البراح حقّك براك
فجر الإثنين 25 / 6 /2012

الأمانّي سَرَاب
......................
كلمات محمد إسماعيل الرفاعي
معروف الظرف
فارغ
كما الحاضنه المسمى
غصب
ببت افكار متاريس الشفوت
والنيل
وكت كانت
عروس البحر حورية
بتشلع ضو
تقول حبوبتي كنداكه
وكان جردل هوان الناس
بينقل رمله من القيف
مملخ كتفو من مافي
وزرايرو سراب
مزرزر في فراغ شراب
غرقان في الوحل كيجاب
لابس صندلو وحافي
وما دام الاماني سراب
ما عاد الكلام كافي
مِنو القال ليك
تسيب ضهرك وراك تمشي
وتخليهو
وعينك ما بتشوف عميا
ولا عارفه الشجر ماشي
فقوم يلاك
نقوم من تاني نتلمّى
تعالو نترس الواطه
ونجوط الشكه من تاني
نبحت نمرق الخافي
ما دام الصِدِق كضاب
بنفِّض منو أطرافي
وبفتِّح لي الجِمال الباب
ولسّع حواء ولّاده
وخرير موية الغضب منساب
25/11/2020

حظّك كِده
كلمات : محمَد إسماعيل الرفاعي
حظّك كده
يا قلبي يا قلب السّجم
يوم ما تقع
تتناسى إنو الريد قِسم
وإنو التريدو .. بريد سواك
ما بيبقى ليك
لا بيبقى ضاوي سماك نجِم
وحصيلة الريد
من طرف واحد
بكون حتماً ندم
وحظّك كده
تدفن احاسيسك جبُر
تلعق اصابعين الصبر
نار الغرام تب ما بتُطاق
لسعاتو قصّرت العمر
شان لسعة الحب من طرف
في لحظه بتودّي القبُر
وحظَك كِده
تهوى البيهوى قلِب سواك
وبراك بتمضغ حسرتك
شِن قدّرك تمتد يداك
لي تمره أصلا ما اللّتك
صدّقني لو غلبك هواك
بكره بتتوه في دنيتك
وحظّك كده
23 -11-2014

الفجرُ لاحْ
.................
كلمات / محمد إسماعيل الرفاعي
نَمْ
ما شاء ربُّكَ
أن تنامْ
ما عادَ في الصّحوِ
المُرامْ
ما عُدْتَ بالرّجُلِ
الهُمامْ
لا عاد عِندكَ
ما يُرامْ
فالديكُ أوشكَ
أن يؤذِّن
للصباحْ
الفجرُ لاحْ
الوقتُ أضيقُ
مِن عباءتِك التي
ضاقتْ عليك
بمثلما ضاقتْ
مواعينُ البراحْ
الريحُ تعصِفُ
بالرياحْ
وغداً تؤلَ إلى زوالْ
إذشهرزادُك أعلنتْ
صوماً
عنِ القولِ المُباح
ما عادَ مِنْ أملٍ
مُتاحْ
نمَْ
ما شاء ربُّك أن تنامْ
فَلّرُبّ تلتئمُ الجِراحْ
( فضْفَضةٌ نهاريّة )
16 /11 /2016م

الغَرضُ العَضُوضْ
................................
كلمات : محمد إسماعيل الرفاعي
و لازالتْ بِجَوْفِ الغَيْمِ
تبَدْو فِكْرَةً حَمْقَاءَ
تَجْتَزِئيُ الَقصِيْدَةَ
حِيْنَ تَنْتَهِكُ العَرُوضَ
وتَبْتَنِي للذاتِ مُبْتَدَعَاً
مِنْ اللّذاتِ والغّرّضِ العَضُوضْ
فَكُ الطَلاسِمَ والتلاعُبَ باللُغاتِ
يَمُدُّ أغْصِنَةَ التَرُوضْ
حَتّامَ يُعْجِزُكَ الغمُوضْ؟
وأنتَ تَقْتَحِمُ العَرُوض؟
مُدَّ الخَيَالَ فَراسِخاً وأعْبُرْ
إلى ذاتِ البُحُورِ ولا تَمَيلَ
إلى الحَرُوضْ
قُمَ واسْتَقِمْ وانْهَلْ مِنْ النّبْعِ النّضُوضْ
فَلَرُبَما تَغْدو إذا اتّسَعَتْ رُؤاكَ
مِن المَرُوضْ
(فَضْفَضَةٌ مَبَاحيِّه)
23،24/11 /2020م

خصالك تحيّر
ـــــــــــــــ
كلمات : محمد إسماعيل الرفاعي
قوامك
بيتعب
خيال القصايد
بيسرج
قواعد الكلام الفصيح
خصالك
تحيِّر
مباني المعاجم
مراده بيقصِّر
ويصبح شحيح
جمالك يطوِّع
شروح
العباره
ويقلب
حروف الهجا
لي مديح
يجوط
الفصول
او يغير مساره
ربيعا وخربفا
وشتاها أبلفيح
يبدّل
مبادي
الحساب والقواعد
نتيجتك مؤكد هي
واحد صحيح
قوامك
بعدِّل
شروط الملاحه
بتصبح
في كونك
براك المليح
سماحتك
سماحة المسمى
اليشابهك
سماح ماهو عادي
ولاهو الشحيح
ولا
ممكن ابداً
ابارح مدارك
ولا
الوجه عنك
بيقدر يشيح
بقولا وبردد
عبارتي الصريحه
نضارك
بيشفي
الفؤاد الجريح
وتفلك
بداوي
النفوس العليله
وايدك بتشبه
ايادي المسيح
فكيف ياخي تطلب
اقابل ابتسامتك
بدون اي آهه
وبدون الوحيح
ويومي الببارح
وافارق ديارك
بسوي المناحه
واشيدلك
ضريح
الجمعه 22 / 11 /2013

بينَ شكّي ويقيني !
ــــــــــــــــــــــــــــ
كلمات: محمد إسماعيل الرفاعي
مَا كُنْتُ أعْرَفُنّي
لَوْ لَمْ أجِدْ جَسَدِي
بَيْنَ القِبُورِ يُضَوِّعُ فَوَحُهُ
مِسْكَاَ
قَدْ قُلْتُ فِي سِرّي :
بُشْرَايَ هَذا أنا
ما تُهْتُ فِيْ لُجَجٍ
مِنْ عَتْمَةِ السِّكَكَا
أمْشِي الهُوَيْنَى
لا ألْوِي عَلَى شَيءٍ
والوَجْهُ حِيْنَ رَأنِّى
ِفي القِبْلَتَين ِبَكَىَ
ضَحِكْتُ مِلءَ جُفونِي
حِينَ أبْصَرَني
جَسَدِي المُسَجَّى
فمَضَغْتُني عَلَكا
هل كُنْتُ أنا أم غطّنِي وَهْمٌ
إذ ما تَيقَنتُ في غمْرَةِ ( الشَكَكا)
ولما غيض ماء الشك عن عقلي
قلبي وعقلي في الاسمال إشتبكا
فالعقل بين أناملي جزعا
والقلب أضحى لدى الخفقان مرتبكا
( فَضْفَضة صباحيِّه)
22/11/2020م
مع تحياتي
محمد إسماعيل الرفاعي